وين انت ياللي غيبتك هدت الحيل
...........عزالله انك ماكسبت الجمايل
ولعتني بك .. غير اجر المواويل
...........وانته تنام الليل وايضا القوايل
وغابت بك ايامك وانا احط وآشيل
...........حيلي قضى والهم بالقلب شايل
ماتدري اني تهت بين المراسيل
...........تقطعت دونك حبال الوصايل
ابليت عمري سبتك ساهر الليل
...........نومي قليل وضيقتي بي نزايل
وحرمت نفسي من شموخ المنازيل
...........اسعى عسى اصلك ياعديم المثايل
وغابت بك ايامك ليالٍ مطاويل
...........ماجابت علومك ظروف الرسايل
تروح لك مني وتلـفي مقـابيـل
...........مـاحصــلت رد الخــبر والـدلايــل
واسعى واكرر خافي الوجد واشيل
...........شوقٍ سكن حدب الضلوع النحايل
واشفق واكرر ول ماطولك ياليل
...........وتجاوب اعماقي عسى الهم زايل