عايش كما ظلك ماشي بلا روح..
لو اشتكي منك امسي كيومي..
دامك اخذت العين والقلب والروح..
عطني السهر كله يفداك نومي..


فالعين تمطر بالبكاء..
والصوت ما يوصل مدى..
واطي ومبحوح يا ساكن الروح..


###############


مات الالم فيني والصبر مذبوح..
وناخت الآمال ان قلت قومي..
حظي من الدنيا أحلام وجروح..
قد جف ريق الفم من كثر صومي..


يا جرح ظالم واشتكى..
من حيث ما يبري بدأ..
غنّي وبانوح يا ساكن الروح..


###############

علمتني اهواك يا ساقي الدوح..
يا ليتني اشتاق وانسى بذوقي..
هيمان ياما طفت وديان وسيوح..
لابس شتى وادفى بصيف شوقي..


يا صمت ابكم ما حكى..
يا كيف لي أجمع صدى..
واخشى من البوح يا ساكن الروح..


################################


ماضيك طيب العود ومسك بيفوح..
وحاضرك موال احلى طروقي..
عايش على ذكراك ان كان مسموح..
واستاذنك في طيف آخر حقوقي..


فالعين تمطر بالبكاء..
والصوت ما يوصل مدى..
واطي ومبحوح يا ساكن الروح..