مـــــاهــو الـــبيت الـلـي يجـــي عـــلى بــالك..... اذا ضــــاق صــــدرك ؟
(( الـــــسلام عــــــلـــــيكــم ورحــــمة الـله وبــــركـــاتـه ))
صــــبــــــاح /مســــاء الــــخــــيــر كــــل عـــــلـــى حـــســب وضـــعـه.. عـــــلـــى طــــول مــــن غـــيـــر مــــقــــدمـــــات... فـــــكـــره اعـــجـــبـــتني حــــبــــيت نـــقـــــلــها ... كـــــانـــوع مـــن الــــتـــنفــــيس عــن الـــنــفس .... وهــــي : (( مــــــاهــــو الــــــبــــيت او الــــقــــصـــيده الـــي تــــجي عــــلى بــالكـ اذا ضــــاق صــــدركـ لاي مـــوقـــف كـــــان)) بالــــنســبه لــي اولا مــــايـــضــيق صـــدري لا شـــــعوري اردد هــالــبــيـت الا يـــــلتـــنــي طــــفـــل صـــغــيــر.... واكــــبــــر هـــــمــــومـــي لــــعــبـــتي .... ابــــكــي عــــــلـــــشان الكـــــيكـ والـــعــصـــير يــــر جــع ضـــحكتي .. والــبــيــــت ثــــاني هـــو: بـــصــــمـــت اعـــــانـــي واحــــســـد اللـــي يــــغــــنــون...... مـــــاجـــربـــــو عـــــقـــب الـــــغــــناة الــــمذلـــة... وولـــكـــــل عـــــارف ان ضــــيقة صــــدر لـــيس محـــــصوره عـــلى الـــسبب واحد يـــمكــن نـــــتضــايـق مــن ســــمـــاع خــبر غـــير ســـار.. او فــــراق شــــخــص غـــــــــالــي.... الاســـــبـــاب كــــثــــيــره وعـــــلـى اســـاسـها ســتختــلف الابيات.. مــــــــــلاحـــــــظه:1) الـــــــفــــــكره مــــنــقولـــــه 2) لامـــــانـــع مـــن ذكـــر الـــــســـبب الـذي حــــال بكـ وجـــــعـــلكـ تـــكـــتـب الابيات كـفـراق حــبــيب او غـيره. والــــــــله يــــــــجــــعل ايـــــــامــــكـــم كـــــلـــــهـا ســــعـــــاده.... |
السلام عليكم اخوي العراقي نورت المنتدى وشكرا على الموضوع الرائع
وانا راح اشارك بـــ... الوقت قاسي واليالي بها هم والقلب يشكي ومالقينا مداويه والعين تبكي دمعها صار به دم والجرح ينزف يشتكي من لياليه وش حيلة الي لابغا شي ماتم سود اليالي في طريقه تعنيه انا احب البيتين هذولي لاني احس انهم يعبرون عن كل الي داخلي اذا تضايقت او افترقت عن شخص غالي او حصل زعل بينا تقبل تحياتي اختك crazygirl بايوووو |
مشاركه حلوه وفكره روووووعه ...
بالنسبة لي البيت الي يريحنتي وينسيني ... ********************* ياضايق الصدر بالله وسع الخاطر ..... دنياك يازين ماتستاهل الضيقه |
عليكم السلام crazygirl
والعفو ونا شاكرلك تواصلك ومشاركتك فواز المالحي الروعه مرورك يالغلا 0 0 0 |
أخــوي العراقي
يعطيك الف عافيه على هالطرح الرائع واللــه لا يهينك أخي الكــريم .. يا ليتني مت وقالوا الخلق مرحوم ,,,,,,,,,,,,,,, ولا عرفت الحب وفراق الأحباب ... تحياااااتي وحيــد |
وحيد
الله يعافيك ويسلمك وانت الله لايهينك على التواصل 0 0 0 0 ماعاد باقي فـي حياتـي حسوفـه وش عاد عندي باقيً فيـه مـازال أن قلت مابي زاد بالقلـب خوفـه وأن قلت أبسكت ينجرح واقع الحال كني بدنيـا شمسهـا فـي كسوفـه والليل ظلما والشقـا فيـه يختـال واللي خفا يصعب علّيـه وصوفـه متاعبً منها أنقلب حالـي أحـوال أن جـاد يـومً عاندتنـي ظروفـه كني أعيش أيام عمري على الجـال دمت بخير |
|
ياقلب هيا وادرع ثوب صبري **** ولا تضجر فالضجر عيب للاحرار
إضحك بنابك واظهر اليوم بشرى **** أقرب قريب حاسد لك ومكار فاحمل زلل صاحبك واجعله ذخرِ **** ينفعك لى لز الحقب عند الازوار طوح بردنك واستر اللي تعرى **** وقاسمه زادك لو طوى البطن بحجار صير بنفسك للزلل منه عذري **** تسل حقده سلة الشعر بشفار |
|
أنا حبـيت لـي عـذراء قدرهـا ساقـها لي سـوق
ملـكني حبـها الصـادق بدمـي وسـط شريـاني زمان الحب صدقـني تعـاهـدنـا عهـد موثـوق عهـد حب ٍ علـيه الله وأمانـه طـول الأزمـاني تجـي في ليـلة الجمـعة على موعد لها مصـدوق ولا أذكـر يوم واعدته وعد .. وأخلف ولا جـاني تجيـني كنها شمـس ٍ على سطح البحـر من فـوق تجي في شوقـها الدافـي وأنا للشـوق عطشـاني أليـا جتـني وهدتـني بهـرج ٍ يكـسر الصنـدوق سرحـت ولا وعيـت إلا إذا بـالصـوت نـاداني وأليـا مني علـيه أبطـيت لاحت بالعـيون بـروق ولامـنه لـمح زولـي نهـض بـالشـوق حيـاني نسافر في سمـاء الهاجـس ونبني للهوى طـاروق على صوت الحـنان أكتب قصـيدي حلو الألحـاني على هـذا ثـلاث سنـين مرت يا زمـن برفـوق نسيـنا الهـم والدنـيا ونسيـنا غـدرها الجـاني |
بيت شعر واحد عجزت عن اكماله اتمنى ان ينال اعجابكم :
الشعر في دمي بمجرى وريدي=وثالث كريات الدم حمرا وبيضاء
|
احب النشامـا وللنشامـا علـي احقـوق
اقدر احقـوق الخـال والضيـف والعانـي لا ارضى خنا الزلة ولا اخطي على مخلوق ولا اعارض الجاهل علـى زلـة اللسانـي احب الفياض الخضر لا سيق فيهـا النـوق بعـد سوقـت الفنجـال بـدلال رسلانـي احب الفياض وشوفهـا يبـري المعلـوق لياعطفـت خلفاتـهـا فــوق حيـرانـي احب الفياض وحبهـا حـط فينـي افتـوق وعسى لايمي فـي حبهـا يقـاد عميانـي واحب المراجل والمراجـل لهـا معشـوق ولا ني باطيع اللي عـن الطيـب ينهانـي ولا احب انا النمه والاسرار فـي صنـدوق ولا رحت انا اوشي علـى افـلان وفلانـي اعدل كلامـي واضبطـه وازن المنطـوق وترى الهـرج للرجـال ياتيـك برهانـي تعرف الرجل من هرجته لا حكى في السوق يدلك عالـى الرجـال منطوقـه ان بانـي ولا بقت جار لـي ولا احـب درب البـوق حفضت الحديث اللي على الجـار وصانـي واحب الصـلاه وركعتيـن مـع الشـروق تسـاوي كنـوز الكـون لامـال ميزانـي نهار الحساب وفيه الابصار تشخص فـوق نهـار عضيـم فيـه فايـز وخسـرانـي نهار احسابه عسـر والطـاق بالمطبـوق تحت حر صلو الشمس والجسـم عريانـي واحب البداوه وافخـر بثوبهـا المشقـوق احـب البـداوه وافخـر بسلـم جـدانـي |
رفيق لاخسرته خسرت العمر كله ورفيق لاخسرته سلمت من الخساره
اخ بس اخ منهم |
ما اقدر ا حاسبك ليش ا لصبح من لونك
وما اظن لك حق با نطباعي تحاسبنـي لاصار مهلي يغيضك فاركض بهونـك ماجيت بالسوط ا قول ---ألا تصاحبني |
هدٌي هدٌي يامعدي دامهـا الدعـوه سهالـه
واغتنم صدر الشمالي قبل ماصـدره يضيـق البحر لو هاج أصلا ماكتفى في صفق جالـه والحريقه ماتِطَفٌَـى دامهـا الدنيـا حريـق والقلم لو جف حبره مانشف حبـر الجزالـه والجزاله من جنابي مِثٌقِلـه كاهـل طويـق يعني منٌا ولاٌ منٌا دربك اخـذه مـن شمالـه قبل ماناخذك عِبره وندْرسـك علـم الغريـق يسعد الله قـدرة الأقـدار وأحكـام العدالـه دام درب(ن) ماتطيقه صرت انا لمشيه أطيق |
حسافه امتلى وقتك!!!بعد ماكنت لي تشتاق حظ الي سكن قلبك عرف وشلون يضيعني |
يلي علينا كل ساعة بتزعل
أزعل على طول الليالي والأيام لو هو جبل من زود ظلمك تزلزل وشلون أنا روح وجلداً مع عظام ! |
ياللأسف حطمت قلب صفالك
..............حبك وعزك عن جميع المخاليق كنت احسب انك وافي في وصالك ..............خنت العهود وخنت كل المواثيق ان كان غرك في زمانك جمالك .............باكر يقطي راسك الشيب وتفيق وان كان غرك كثر جاهك ومالك ............انا عزيز النفس في ساعة الضيق |
لاضاق صدري ازعج الصوت وانوح=هم الفراق وهم يجي بعد ماموت ضاعت حياتك...سعود من غير مصلوح=ابعد حبيبك راح وابعد الصوت كله صروف الوقت ايام وتروح=وترجع لك قبل ليفوتك الفوت |
مليت ادور للرفيق الخاسر اعذار المجاز
اشياء يجوز لها العذر واشياء نموت وما يجوز القلب ماهو من ضجيج القلب ترنيمة قزاز مرات من خوفي عليه اعطيه للخــــاسر وافوز ؟؟؟؟؟؟؟؟؟لاتعليق........... |
نومك بجو يسحـر العيـن خـلاب
والصبح يقعـدك الحـوار برزيمـه 0 0 0 وساقن علي المرعى جماعه وحزاب أجناب ولاخـرى عليهـا الوسيمـه |
لاتشتكي من جور الايام للناس
وادفن همومك في ثرى الصمت |
يامل قلـب يسـج وفيـه دولاجـه
من هاجـس بالضمايرقـام يدرجهـا في معزل عن جميع الخلق وازعاجه ما اسمع من الناس لوكثرت لجالجها ماغير اهوجس تقول مضيع حاجـه آخذ واسند على روحـي واهرجهـا وادوج لوكـان مارجلـي بدواجـه ادلّـه النفـس ليـن الله يفرجـهـا يالله يالي بيدك الضيـق وافراجـه ياخالق الخلـق ياقاضـي حوايجهـا تفرج لعين الذي أغفت بسوهاجـه تجهز عليها الطواري ليـن تزعجهـا بالصدر ضيقه ونوم العين هملاجـه عيني من العام والسهـر متولجهـا نوب سهرها شديـد ونـب نهاجـه ومر تكـن الدمـوع ومـر تزعجهـا عليك ياللي بقلبـي كـن وهاجـه وهاج نار هوى الغربـي يسارجهـا أبو ثمـان تشـاد اللولـو لعاجـه كن البرد يوم يضحك فـي مفالجهـا ياروح روحي وجرح القلب واعلاجه الطف بحال عليـك الهـم ساهجهـا قلبي يناجيك بسلوب الهوى .. ناجه يشكي لك الحال داخلهـا وخارجهـا اما التفت لي وتم الوصل بمواجـه والا بـلا عشـرة هـذي نتايجـهـا وش ينفعك من حنين القلب وخلاجه وجروحي اسبابها انت ولا تعالجهـا |
ضاعـت سنينـي أحـد بهاليالـي وتحدانـي
وأنت ماتشبع غيـاب ولاتخـاف مـن النقيـده ودي أتحمـد لـك الله بالسلامـه , مامـدانـي كل ماتوصـل برحلـه ترجـع برحلـه جديـده دام تدري كـل وجـه ٍ غيـر وجـه الله فانـي ياخي أكسبلك ثواب وخاف ربـك فـي عبيـده |
ياعل بيتٍ مايجي له ضلالـي ينهد من عالي مبانيه لسّاس |
لاهنت اخوي نايف
0 0 0 0 بهديك طعنه .. من بقايا .. طعونك!! لا جيت ابنسى واتراجـع واسامحـك صاحن جروحي واشتكن لي طعونك!! كلك خيانه !! قول وشلـون ابمنحـك وش موقفك من شخص دايم يخونك!! اكبر خطا.. لو جيت يمك اصالحـك اول تحـول لاتغـرك .. إلحـونـك اللي تقوله صح لـو كنـت جارحـك (مير) انت غارق للاسف في ظنونك وصفك نسيته بس .. باقي ملامحـك بنهيك وانهـي بالنهايـه .. جنونـك |
صدري شمالي وصعب انه يضيق = واليوم يابن رجا ترا كني لحالي
ضاق مابالصدرعلى كثر المخاليق = ماكن الله خلقها ولا جات فبالي وحال ماتسرعدو عاد كيف الصديق = وعزي لحالي لاشفتها وعزي لحالي تخنقني العبره مره تغيب ومره تهيق = والعقل شااارد كن فيه هبالي |
كنت احتريـك وفاتـح لحلمـي البـاب
حييـت ياضيـف الحـلـوم العـذيّـه ياللي غيابك فـاق غيبـات مـن غـاب كن البشـر مـن غبـت ماهـي بحيّـه يوم العذر باسباب شف عارضي شـاب مـرت ثوانـي ساعـتـي سرمـديّـه يوم العـذر باسباب,مـن دون الاسبـاب صـارت حيـاتـي كلـهـا مهمهـيّـه أستغفـر الله أنـت مثلـك ليـا غـاب واجـب تغـيّـر وجـهـة الجاذبـيّـه واتصير اقرب للوجيـه مـن الاشنـاب واتجـر دمعـات العـيـون العصـيّـه يمكن تهون مصيبـة غيـاب الاحبـاب لاواسـت عيونـي عـيـون البـريّـه بعض المواسى يشفي انسـان منصـاب بس كيف يحيـي روح ماهـي بحيّـه؟ شفني جسد ماترتـوي فيـه الاعصـاب وعـروق جفـت ليـن صـارت بليّـه تطري علي لامـن تـراوى لـي وراب قطـر النـدى بـالـورده النرجسـيّـه وانـت الغيـا يالغـي ياعـذوق عنـاب يالليـن اللـي بـه قـسـاوه طـريّـه لامـن تعبّـر شمعـة وصـار ينسـاب ألـيـن بعـضـه بكـلـه لتحـتـيّـه عنق المها جيـد الظبـي لفتتـة عقـاب سـرح الجـوازي ساعـة العصـريّـه ماعينه الا ذراع وحشـي بـه حـراب ومارمشـه الا عـد قـطـف المنـيـه وش جاب غيرك لك بعد حي وش جاب؟ شـف كسـرتـك ماكسّرتـهـا بنـيّـه |
نافق تعيش وجامل الناس تنحب 00 وبيع الضميـر وتشـوف كلـن يجيلـك
هذا هو الدستور في وقتنا الصعب 00 أمـا تزيـل الصـدق .. والا يزيلـك صار الصدوق منبوذ في عالم الكذب 00 وصار الكذوب يا للأسف! هو خليلك |
من ضيقتي ناديت في صوت ... مبحوح
واحس صوتي ... آآخره ينتهي ..فـي حل الظلام ولابـدا ..بالقمـر ضـوح كن السواد السرمـدي ... انخلـق لـي لو الوله ...والشوق ...يومين ويـروح كل الجموع تصير في ناظري ...هـي |
اخطيت يوم اني طلبتك حنانك.....لاصرت فاقد الشي وشلون تعطيه؟؟؟؟؟
اختك crazygirl |
صرت أنا للحب والدمعة أسير
في حياتي يوم راحة ماظهر مظهري جنه ومضموني هجير مرقدي تمثيل والواقع سهر جيت يمك وأنت عزمت المسير صرت ضدي مع صواديف الدهر الوداع فراق والموقف مرير والعزى ماضيك والحاضر قهر |
حاولت أستصبر وضــاقت بـي فجـــــوج
................................ ليــن اختنقت ، وأضلمت بي سمــايــــا يلعن أبو هالشعر اذا ( لهس ( علـــــوج ............................... بحكم الميــــانه !! تستفزك ردايـــــــــــا مليت أطوف زلتك وأدمـــح العـــــــــوج .............................. وأقــول : يمكـن يستحي من حيــــايـــــا والله يلو ماني من الناس محــــــــروج .............................. ومستحقرك أصـــلا .... لسوي سوايـــــا |
كانت تجربه مرره ابد ما يحتملها انسان
تركني خاين العشره وزود بالعذاب الوان قلبه مومثل هالناس قلبه خالي من الاحساس اناني ومايعرف الاحب ومايهوى سوا روووحه اهديته غرام القلب واهدالي انا جروووحه وبعدها راح ياحسره وكانت تجربه مرره |
هو فيه قبلك شخـص سـوى سوايـاك
هـو فيـه أعـذب منـك لامــن طـرالـي والــورد لـيـه الــورد يـذبـل بيمـنـاك لـيـه أتـرجـا فـــي جـوابــك سـؤالــي ياطعـم مـرك لاتـسـاوى مــع أحــلاك منـك الشهـد علقـم ولـو كــان حـالـي |
ارجع حبيبي وقف هناك بالدور....ماني بفاضي ويمكن افضى لك شوي
لازم تذوق الذل وتعيش مكسور,,,,,هذا وعد مني مادامني حي ان بعت لي كل عمرك ماقلت لك مشكور....لانك كلك عيني ولاشي |
ماسمعـتـك-عـد مـــن اول كـلامــك لـوسـمـحـت
ودي اسـمــع كـــل شـــي تـقـولـه وافـهـمــه أشغلتـنـي نـظـرتـك عـنــك بعـيـونـك سـرحــت فــوق خــدك شـفـت جـيـش الـرمـوش مسلـهـمـه فــي بحرزيـنـك مــن الـحـب واللهفـــه سـبـحـت كـل شـعـري فــي جمـالـك يـجـي بــس إزهـمـه والله أنــي رابــح يــوم مـــن حـبــك ربـحــت شـاعـرك عـاشــق ومـجـنـون وأنـــت الملـهـمـه |
لااااااااااااااااااااتشتكي من جور الايام للناس00 ودفن همومك في ثري الصمت كله
|
ماهو بكيفك توصلني وتقطعني
اما غلا بيننا او فضها سيرة مرات اقول بتتركك لا شك يمنعني شيء يقول اعذرة قضي معاذيرة قلت بحتفظ فيك ادري منت نافعني يمكن مع الوقت اقول محبتك خيرة |
هجير الشوق والخاطر يساءلنـي عـن احوالـه
انا وش حيلتي ياللّي غرامي مـا يأثـر فيـك? اخاف الحين اشرح لك عـذاب الليـل واهوالـه ويصير الهم في قلبـك عيونـي يالغـلا تفديـك |
الساعة الآن 02:02 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون