منتدى دمعـــة ولـــه

السلام عليكم ورحمة الله وبركاته

اطرح هالقصيده بين ايديكم وكلي انل ان تنال اعجابكم

][`~*¤!||!¤*~`][ ليته سألني ][`~*¤!||!¤*~`][

البارحة ليلـي مـن الهـم طايـل .. من ضيق صدري كنه شهور وسنين
والدمع من عيني على الخـد سايـل .. ماطاب لي نومٍ ولا غمضت عيـن

كله عشان اللي عمل بـي عمايـل .. أنشهد إنه شب فـي القلـب ناريـن
سافر عن عيوني وشـد الرحايـل .. راح وتركني بس مدري على ويـن

ورانـي نجـوم المسـا فالقوايـل .. بالبعد والهجـران والصـد والبيـن
حاولت أوصل له بشتـى الوسايـل .. ماشفت له ديرة ولا ايّـة عناويـن

وكل ما أتصلت وشاف رقم الموبايل.. طنّش وإلامن رد يسأل هلا ميـن ؟
الله وأكبـر يـازمـان الهـوايـل .. بعد الوفا والوصل صرنا غريبيـن

لاجيت بأنسى ذكرتنـي الرسايـل .. وبعد الهدايا والصـور والدواويـن
المشكلة إنـه علـي حيـل شايـل .. وكله تحت راس الوشاة الملاعيـن

وشلـون صدقهـم بليـا دلايــل .. وشلون يسمع بي هروج العذوليـن
ليته سالني قال ويش أنـت قايـل .. ولا عتب منـي عتـاب المحبيـن

عشان اقول ويصبح الشـك زايـل .. وأعلمه إنـا علـى العهـد وافيـن
ياصاحبي مهمـا تحـول الحوايـل .. ابقى معك دايم على الشين والزيـن

ماني من اللي لاغدى الوقت صايل .. يبعد ويقرب لاغدى الوقت به ليـن
مهمـا أسـوي أو اقـدم جمـايـل ما .. أنتظر من شخص ابد ردّة الديـن

وحظي كذا دايم على طـول مايـل .. من صغر سني ماهو بس توه الحين
في ذمتـك بسالـك هـذا فعايـل .. هذا وحنـا فـي المحبـة حبيبيـن

في حبكم شيبـت ماطلـت طايـل .. يالعنبـو ذالحـب ورانـي الشيـن
كلن تزوج صـار عنـده عوايـل .. وأنا بأمل رجعتك عايش من سنيـن

وسلالامتكم

وتقبلو تحياتي

حززين الحرف