جـيـتـك شـجـاعً مـمـتـطـي قــب الافــراس
 

عطني ورق وأعطيك من نبع الاحساس
شعـرً يخلـد بالهجـوس المعـانـي
حروف شعـرً تلتهـب ضـو مقبـاس
والا كمـا شهـرة سهيـل اليمـانـي
أبيـك تقـرأ ماكتبـتـه بقـرطـاس
في حس مرهـف لا أحسـاسً انانـي
لاني أحس انـك وحيـدً مـن النـاس
وانت الوحيد اللـي سكنـت أبكيانـي
اقرا السطور وحلـل الشعـر بقيـاس
وأبيـك تبحـر مـع خيالـه ثـوانـي
تقرا مظامين الغلا باصـدق أحسـاس
لك أنـت وحـدك يامسبـب جنانـي
كم لي تغاضيـت وتسامحـت لابـاس
لاباس صـارت كلمـةٍ فـي لسانـي
هالحين خذها واضحه لك من الـراس
وأبـي لحـل رموزهـا ترجمـانـي
أبيك تقرا بحـس مرهـف وحسّـاس
أبيك تدري وش كثـر كنـت أعانـي
ياما زرعت احـلام باتـت بالافـلاس
يامـا سهرتـك ليـل طيفـه نسانـي
واليوم أحس أن الفكر حيـل منحـاس
الحـل واحـد مالهـا حــل ثـانـي
اما كذا ؟ والا كذا ؟ واطـوي اليـاس
لا ماحتري بالدرب مـن لا أحترانـي
طالت أمشيها والا أدري علـى سـاس
ماكنـك اللـي ضمنـي وأحتـوانـي
لانته معي واضح مثـل باقـي النـاس
ولاأنته مصارحنـي بسـر المحانـي
ذوقتنـي شهـدك ومنيـت بالـكـاس
الله وكيلـك كـل مـابـك دعـانـي
جيتك شجاعً ممتطـي قـب الافـراس
كل مملكه شعري وصهـوة حصانـي
وأهديتهـا لعيـون نـجـلً ونـعـاس
ذيك الرمـوش اللـي غواهـا بلانـي
أسهومها في وسط صدري كالامـواس
سهم العيـون اللـي صوابـه رمانـي
قالت أحبـك ؟ قلـت يـادرة المـاس
والله حبـك مـن مكـانـي خـذانـي
هب الشمال وذعذع الشـوق نسنـاس
وفاحـت رياحيـن الغـلا زعفرانـي




للشاعر : منصور الرويلي