منتدى دمعـــة ولـــه - إنـ·° ·°♫° ـتـ·°♫° ـظــار·♫°

منتدى دمعـــة ولـــه (https://www.dm3twlh.com/vb/index.php)

- الخواطر وروائع الكلمات Sakes and Poem (https://www.dm3twlh.com/vb/forumdisplay.php?f=29)

- - إنـ·° ·°♫° ـتـ·°♫° ـظــار·♫° (https://www.dm3twlh.com/vb/showthread.php?t=4377)

إنـ·° ·°♫° ـتـ·°♫° ـظــار·♫°

إنـ·° ·°♫° ـتـ·°♫° ـظــار·♫°

صبر وسهـر

شوق وشقا ونفحة قهـر

إنتظار

وتمضي الساعه على العاشق شهر

.

.

.

انت وينك ؟

أو متى يصحي حنينك ؟

كنت بالمسرح مشاهـد

غايتك تجلس تشاهـد

كل مشهـد لا ظهـر

لكن تجهل اللي يختفي خلف الستار !!

ياما انتظرت .. ولا وصل منك خبر

وياما سهرت .. ولا مر طيفك أو عـبر

وياما صبرت .. وملني حتى الصبر

وشفتك أمس .. وقلت لي : وش أنتظر ؟

وليه أنا واقف هنا !!

وهناك ركزت النظر ؟

كيف ما مليت جمر الإنتظار !!

مع إن الجو كان حار ؟

واذكر إنك قلت

يمكن !!

عن مقابلي .. صاحبي تمنع ظروفه

وعن وصالي .. يمنعه ريبه وخوفه

وإنه الغايب .. ولو شفته حضـر

مشيت وماأعطيتك جواب

ولاشكرت حروف ترحيبك .. بعد طول الغياب !!

واليوم جاوبت السؤال

بس بسؤال

قلي وش معنى إنتحار ؟

قلت :

معناها ( إنـت ـ حـار )

قلت لك : لاااا .. لاااا

خطأ

عشان أسهلها عليك

همست بإذنك همس

راجع سؤالك أمس !!

قلت لي : وضح أكثر

قلت لك : حاضر .. أبشٌـر !!

إنتحار . . .

حاله تصيب إنسان ماعنده عزيمه

صارت الدنيا بوجهه ليل .. ما فيها نهار

شخص تايه

دون غايه

يطرد ورى سراب

كان أعمى قلب

وعيونه يغشاها الضباب

وقلت لي : لاااا .. لاااا تكمٌل

إنتحار . . .

هي كلمتين .. وبإختصار :

شخص يشعر بالهزيمه

وماعمره شعر بالإنتصار

قلت لك : سهمك أصاب

لكن أصبر !!

قبل تفرح !!

وش أصاب !!؟

معنى الإحساس بهزيمه

حالة المهزوم قبل الإنسحاب !!

أوتدري خلها بلاش

لازم أنهي هالنقاش

ودي أعطيك الإجابه

دام ما جبت الجواب

ولازم تعرف الصواب

بإختصار :

تدري وش معنى انتحار ؟

شخص مل الإنتظار