منتدى دمعـــة ولـــه - طعــون الــخــيــانــه

السلام عليكم ورحمة الله وبركاته

إليكم هالقصيده وهي تعبر عن نفسها وكلي امل ان تنال اعجابكم

~*¤ô§ô¤*~ طعــون الــخــيــانــه ~*¤ô§ô¤*~

نفس الطعون ونفس ذيك الخناجر .. لا ماتغير شي غيـر إنـي أيقنـت
إن الهواء جـرح سببـه الخواطـر .. وإن الخيانه بنت ! والخاينه بنت
والحب طعنة سيف من كف غـادر .. والغدر جرح والسبب منك لاهنت
شعر وغدر وجروح وهموم شاعـر .. تمكنت فيني وأنا أدري تمكنـت
بس العزا لاصرتنا اليـوم خاسـر .. ماأنهز مالدنيـا والا تهزنـي أنـت
لأني خلقت أنسان من نـوع نـادر .. ولأني وفيت ومعك بالذات ماخنـت
قلبـي ولـو دارت عليـه الدوايـر .. ماينكسر دامي مع الوقـت مالنـت
ماينكسـر دام الدواسـر كـواسـر .. أخذي كلامي وأطبعي عني برنت
هذا كلام أهـل السيـوف البواتـر .. فعل ٍ على عزه نشيـت وتكونـت
حنا الدواسر لاغدا الوقـت جايـر .. نفوسنا ماتقبـل الضيـم والعنـت
نآخذ من الجزله ونرمي لصغايـر .. ونشوم مانتبع هواء النفس لو كنـت
اللي من أسبابه جرعـت الحسايـر . .مهوب ضعف ٍ لكن بحبه آمنـت
الله على ظلـم القلـوب الجواسـر .. قد قالها قلبي وأنـا اليـوم هيجنـت
هيجنت للفرقـاء ولأنسـان ناكـر .. وأشعلت للفرقاء قناديـل وأعلنـت
أني على فرقـاك مانيـب خاسـر .. مدامني للـذل ماعمـري أذعنـت
حتى ولو جـرح المواليـف غايـر .. وحتى ولو من بعدك اليوم حزنـت
ماأذل نفسي لـو تشـوف العزايـر .. (والله لاأموت وماترجيتنـا بنـت)

وسلامتكم

وتقبلو تيحاتي

حززين الحرف