منتدى دمعـــة ولـــه - قصيدة لأشهر سجينه .. سعوديه

السلام عليكم

أحببت أن أنقل و أطرح إليكم هذه القصيده المؤلمه التي أحزنت قلبي عن سجينه سعوديه.................

ألا يا أهل العفو تكفون لا حيه ولاني ميت &&&&& ألا يا أهل الكرم والجود فكوا قيد أياديها

فإليكم شعرها.................... ............

ألا يا الله يا عالـم .. بمـا أجهـرت ومـا أخفيـت
ألا يـا الله تفرجـهـا علـيَّـه.. يــا مسويـهـا
أناظـر للزمـن نظـرة يتيـم مـا لقـالـه بـيـت
أناظـر كـل هـا العالـم.. عيونـي مـا تكفيـهـا
ألملم فرحتي بيـدي .. وأنـا مـن فرحتـي شديـت
ونفسي يوم مات الفـرح .. حزنـي جـاء يعزيهـا
هموم ضيقت صـدري .. كثيـرة يـوم أنـا عديـت
لقيـت الحـزن بأولهـا.. وأوسطـهـا.. وتاليـهـا
حزن مـا يفارقنـي.. معـي لا نمـت.. أو سجيـت
كئيب ما يبـي غيـر السهـر.. والنفـس يشقيهـا
دعيت الله .. يصبرنـي وأنـا ممـا جـرى مليـت
ونفسي .. يا إله الكـون .. نفسـي مـن يراعيهـا
وش اللي صار في الدنيا.. وش اللي في دنيتي سويت
جاوب يا الحزن أرجوك.. جـاوب قلـي وش فيهـا
رجـع صوتـي يرددنـي.. يـردد كـل مـا ألقيـت
جاوب يا الحزن أرجوك.. جـاوب قلـي وش فيهـا
ألا يا ليت.. ألا يا ليت.. ألا يا ليـت.. ألا يـا ليـت
"ولاة الأمـر" تاصلهـم قصـيـدة يــوم أرويـهـا
تمنيـت السعـادة تعـود.. وأنـا والله مـا ظنيـت
سنينـي الماضيـة ترجـع بعيـدة عـن موانيـهـا
تفتـت خافقـي والله.. مثلمـا للصـخـر تفتـيـت
دوافيـر الصـدر شبـت.. ولكـن مـن يطفيـهـا
إلهي صمت من أجلـك.. إلهـي لـك بعـد صليـت
إلهـي يـا إلـه الـكـون.. عيـونـي لا تبكيـهـا
أنا منساق لك ركب الذنـوب وهـا أنـا .. حسيـت
دخيلـك يـا إلـه الكـون.. عيـونـي لا تبكيـهـا
(ست اسنين) بـي مـرت أنـا والهـم.. والتنهيـت
اثنا عشر عيد.. أنا وحـدي سجينـة دون أهاليهـا
وأمي في نهار العيد .. تناديني.. في وسـط البيـت
وترجـع وتذكرنـي .. دمـوع العـيـن تهميـهـا
نعمت أول سنيني في جناب الفهـد وافـي الصيـت
مليـك العُـرب والإسـلام وبـلادي اللـي أفديـهـا
وعشت اللين والشـدة ولـو قاسيـت مـا قاسيـت
تهـون تهـون مـا دامـت حياتـي عايشـه فيهـا
وأنا لا زلت طمعاً في سنيـن وعمـر غيـر ازريـت
عسـى لـي فـي ذرا عبـدالله أيـامـاً أقضيـهـا
وولي العهـد سلطـان الكـرم والخيـر إذا ناديـت
يلبـي للضعـاف اللـي سهـوم الوقـت ترميـهـا
ألا يا أهـل العفـو تكفـون لا حيـه ولانـي ميـت
ألا يـا أهـل الكـرم والجـود فكـوا قيـد أياديهـا
أبـي درع الحيـاة ولـو نفيتـونـي ورا تكـريـت
يكفينـي سنيـن سـود فـي سجـنـي مخاويـهـا
ألا يا الله يا عالـم .. بمـا أجهـرت ومـا أخفيـت
ألا يــا الله تفرجـهـا علـيَّـه يــا مسويـهـا

الله يهون عليها ويسهل لها طريق النجاة

قولوا آميييييييييييييين

تحياتي . . قـــايدة الغـــزلان . .