منتدى دمعـــة ولـــه - Xx تعالي أقري يالي تقولين أبوتركي مايحبني Xx

منتدى دمعـــة ولـــه (https://www.dm3twlh.com/vb/index.php)

- الخواطر وروائع الكلمات Sakes and Poem (https://www.dm3twlh.com/vb/forumdisplay.php?f=29)

- - Xx تعالي أقري يالي تقولين أبوتركي مايحبني Xx (https://www.dm3twlh.com/vb/showthread.php?t=3830)

Xx تعالي أقري يالي تقولين أبوتركي مايحبني Xx

ما بين ذكرى الأمس يا خوك واليوم
ناحت جرووح ٍ وسط جووفي غزيره
يا صاحبي منت بخفااايااي ملزوووم
أرجاااك ترفـق جرحنـااا لا تثيـره
محروم أحياا واندفن حييل محرووم
ورد ٍ زرعتـه مـا اهتنيـت بعبيـره
ياللي حرمتي عيني من لذة النـوم
الله يسعـد دنيـتـك يــا أمـيـره
ما جيتني بعتاب صاحب ولا لـووم
جيتـي دمـوع ٍ حايـره مستجيـره
وجيتك أنا كلي وكلي لـك ِ سـوم
مرخص شموخ النفس لو هي كبيـره
لأني أحبك حب مـا هـو بموهـوم
حب ٍ ترعرع فـي حنااايـا ضميـره
يسكن بخافق ما شكى جور الهموم
إلا لمن هو خالـق الكـون ويديـره
وش عاد ينفع طيرنا كثرة الحـوم
لا كـان مرقابـك هشـام ٍ مصيـره
وش عاد تنفع سهرتي معك يا نجوم
لا صـار ليلـك فاقـد ٍ مـن ينيـره
وش عاد تنفع كثرة احلوم واحلـوم
لا صـارت الدنيـا بعينـك قصيـره
وش عاد ينفع قاربي ابحرك يعـوم
لا صارت أمواجك تعاكـس مسيـره
وش عاد باقي من بقاياي يا قـوم
لا مـن تنكـر العشيـر إل عشيـره
يا كود قبر ٍ ناعـي ٍ فوقـه البـوم
وذكرى محبه تبقـى للجيـل سيـره
؛
؛
قولو لها أبوتركي توفـى مـن اليـوم
قولو لهـا تحـرق شظايـا زفيـره
قولو لها أبوتركي ترى مـات مظلـوم
قولـو لهـا قبـره لمثلـه يجـيـره
قولو لها لا امطرت ذيـك الغيـوم
قولو لهـا تسقـي قبـور ٍ أسيـره
؛
؛
يا صاحبي منت بخفااايااي ملزوووم
أرجاااك ترفـق جرحنـااا لا تثيـره
ما بين ذكرى الأمس يا خوك واليوم
ناحت جرووح ٍ وسط جووفي غزيره

محروم أحياا واندفن حييل محرووم
ورد ٍ زرعتـه مـا اهتنيـت بعبيـره
؛
لا شك مقسوم ٍ أحبـك ومقسـووم
موت الفرح في دنيتـي يـا أميـره