منتدى دمعـــة ولـــه - لعنبوا الجمـــهور وأهــــل السيادة سيد سيد..!!!

يا فريد الحسن ما بالحسن غيرك فريـد
بس معكم شربة الماء مثـل علـة نحـر
النوايـا مجهمـه !! والمنايـا بالوريـد
حكمة الرجّال في ساعـة الشـدة ظفـر
يوم لي ضاقت مداهيل ربعـي بالشديـد
عدّني عابر سبيـلً ليـا صلـى قصـر
من رضى في عايل العانية يصبح عميـد
مثل من دوّر على غزوة اربوعه عـذر
القضية بيـن عبـدٍ وهـارون الرشيـد
والسفر موجوب لو والي الدولـة نهـر
ليه مرحل يوم سيفي ثلـم سنـه جريـد
والزمن ذا خفرةٍ تفهـق الوجـه بدبـر
القهر ما هو ليـا سـادت الدنيـا عبيـد
القهـر لا استعبـد الحـر ذا والله قهـر
عزي لمن حط لهله مثل سيـف الوليـد
عقب ما كانوا ليا ضاقـت الدنيـا ظهـر
كيف بستعجب عقب لان جلهـام الحديـد
والثمان اللي معي كانت البـارح عشـر
الخطر وسط الكتاب أو بساعيـن البريـد
الوكاد ليـا وصلنـا حـدا ذولـي خطـر
صرت أدوّر للستر من طرف بشت العقيد
عقب ما السلطان مبطي يدوّر بي ستـر
واعذابي عقب ما قومي الذخـر الجويـد
صرت أدوّر عند قاص العرب عنهم ذخر
نار الأقصى لوّ من حنوة أضلاعي تقيـد
تهضم ولا نار الأدنين لو عـودٍ خضـر
يالفريد أدري ليا غبت عنهم يـوم عيـد
وعيد من لا يدهله موطنه يـوم السفـر
إيه أريدك بس ربي يسـوّي مـا يريـد
والهدف من دونه الموت والوجه الـودر
حافظٍ ماء وجـه قـومً يبـدّون الجحيـد
وأطيب المعروف منهم ليـا اُمّـن غـدر
شرهة الله في حياتي على شرهة فريـد
كيف بالله يرتجي لي عن الطرقة صبـر
ماش صبر وداعي الموت لي مدلوع جيد
والقضاء في سيف حمزه وفي حنكة عمر
عزتي لي من وأنا أورع أهيم بكـل بيـد
هايمت بي نار قـومً بجوفـي مـا تـذر
عشت بغرب وقتٍ وما ربيـت إلا وحيـد
السفر والعالـم الله علـى مثلـي قـدر
ما لرجلي بشهب الدو ليا من ضقت قيـد
والوطن فيـه المنايـا مجاهيـم وعفـر
بس مثلي عزه اللي رفع قـدر الشهيـد
رازق الداب العمى في حجر خبتٍ وعـر
ساق لي عابر سبيلً مع الطرقة ضهيـد
عابرً من حضر موتٍ يبي ساحل مصـر
قلت يا عابر من أنته وأجب عابر بعيـد
قال وأنت وقلت من لا ذكر مثلـه بشـر
قلت من لا غاب بسمه عن حضوره سديد
وإن حضر يكفي ولو كل خلق الله حضر
آيةٍ للباس والحلـم فـي قلـب الشديـد
وآية السلـوان قـدام عيـن المحتضـر
من مع الصفرة يجاوب هجاريس المريـد
لين تجذب عندل الجان من صوته شقـر
لي عقل عثمانً وفعل خالـد بـن وليـد
للربـع هـدّاجً وللعـدو مـوتٍ حـمـر
قال تاخذ قلت إي بالله على قدر الزهيـد
قال تعطي قلت أفا وأبك أنا وافـي شبـر
قال وش لك بالشعر كبن كلثـوم ولبيـد
قلت وأكفي (بعض) شعّار جيلي في شطر
وأسمي الطوفان جارف من بحور القصيد
وأمتثل قـومً كمـا عامـرً مثّـل مضـر
قال عابر قلت من شين ما شفته شريـد
لي عن أهل الخيزرانة مثـل دربٍ قطـر
لعنبوا الجمهور وأهل السيادة سيد سيـد
قال لي ما من مفـر قلـت كـلا لا وزر
دام رجلي تضرب القاع يا عابـر بحيـد
قال بالعزلة فقر لك يـا طوفـان الشعـر
قلت أنا واحسبي الله وش الأمـة تفيـد
ما بعد هذي فقر صـدق لا قالـوا فقـر
كيف أشيّد بيت في قـوم عيّلهـم تسيـد
والرجل فيهم عليّ الحرام احسـاب غـر
قلت أنا مثلي يعيش العمر هايـم سعيـد
قال توفي ؟ قلت خذها على ارقبتي نـذر
مثل ما خليت عند العرب حسـنً فريـد
يوم معهم شربة الماء مثـل علـة نحـر