احبك فوق حب امك وابوك وباقي اخوانك
 

احبك كثر ما عذبت غيري من جميع الناس
واحبك فوق حب امك وابوك وباقي اخوانك
غلاك اكبر من احلام الشباب وفيه قوة باس
طويت اطوّل مسافات السعاده فوق نشوانك
لك المستعمرات من المشاعر ماتبي حراس
تسيدّها غلاك واصبحت جزءٍ من اوطانك
تحل ضيوف ذكراك الجميله بالعيون انعاس
ويسامرها خفوقي واعتبر هذا من احسانك
ليا من غبت عني زارني مندوبك الهوجاس
وارحب بالهجوس اللي تحدثّني عن السانك
اذا تدري بحبك من خلاله تجري الانفاس
على هذا حبيبي مستحيل يتم نسيانك
علامك تاسر احساسي وتحرمني من الاوناس
وانا ماسور كلي تحت جبروتك وسلطانك
نهار العيد يرضالك تخليني بدون احساس
بدل ما ازور جيراني نسيت وزرت جيرانك
كأنك ماخلقت الا على شاني من الاجناس
وانا والله ما كني خلقت الا على شانك
اذا عند الجميع اعظم سلام يكون حبة راس
انا محتاج احبك كل ساعه بين حجانك

ابو تركـــي...


كلماتكـ جدآ رائعهـ وفي غاية

الجمال دمت قلم رائع في

منتدى دمعه وله

في أنتظر جديدكـ

ولـكـ كـل الـود.,

وأنتي أروع ..


مشكوره على مرورك يالغالية