منتدى دمعـــة ولـــه - //// انتفض كل القصيــد \\\\

منتدى دمعـــة ولـــه (https://www.dm3twlh.com/vb/index.php)

- الشعر وعذب الكلام- Poetry Section (https://www.dm3twlh.com/vb/forumdisplay.php?f=7)

- - //// انتفض كل القصيــد \\\\ (https://www.dm3twlh.com/vb/showthread.php?t=638)

//// انتفض كل القصيــد \\\\


	انتفض كل القصيد ومابقى الا هالحروف..............وكل بيت يحترق تحترق روحي معه باكسر عناد القلم واكتب على هالقلب(...)..........واصر خ باسمك واقول يارب صوتي تسمعه واطلق طيور الهوى في عتمة هموم وخوف.......وأشب نور العشق نجمٍ كل مقفي يتبعه واكابر بدم الجروح اللي على رهاف السيوف......واكابر بونةٍ تنثر خفوقي وتجمعه ماتجوز الونة اللي في معاليقي تطوف............ماتجوز الا اجيب اقصى مددها واقطعه الراس تايه في عجاج الهقاوي والظروف........وجرح بساعة وداعه يطيب ساعة مرجعه ياحيف لاصرت قرم يحكمه رمش الهنوف.........يامير من يملك فؤادي كلي يطيع ويسمعه من غدى مثلي كفيف غير خله مايشوف............يقول مادون القمر سواد ما منه سنعه قالوا حبيبك ترك ديرته واقبل ينوف.............اقبل كما برق تلاه غيث بخير وسعه قلت والله ماتركها وانا على شوفه لهوف.......ديرته وسط الحشا وبأقصى ضلوعي مربعه قايــــد الغزلان والله جيِّته فيني معروف.......... كلما رخ الجفـــــن شوقي يفز ويرفعه ياهـــلا بــه عد ماهل هتان الطيوف................ وعد ما طيفه سرى في ناظري لين ادمعه من يلوم اللي خفوقه بين الاضلاع مخطوف ...... يكفي اسمه لاذكرته شابه حروفي الاربعه يالله يارب العبيد اللي على بيتــه تطــــوف.............كل راس وقف بين الحبــايب تقــــطعه