منتدى دمعـــة ولـــه - عزاه ياقلب من الشوق محروم

منتدى دمعـــة ولـــه (https://www.dm3twlh.com/vb/index.php)

- المـواضـيع المكــررة (https://www.dm3twlh.com/vb/forumdisplay.php?f=23)

- - عزاه ياقلب من الشوق محروم (https://www.dm3twlh.com/vb/showthread.php?t=9226)

عزاه ياقلب من الشوق محروم

السلام عليكم ورحمة الله وبركاته

اطرح بين ايديكم هالقصيده وكلي امل ان تنال اعجابكم

% عزاه ياقلب من الشوق محروم %

عزاه يا قلب من الشـوق محـروم
..............لو هـو تناسـى ذكرنّـه جروحـه

ينوح تال الليـل والصـوت مكتـوم
..............يخاف يوقـظ مـن حواليـه نوحـه

ويصحى مع اهله خايفٍ لو بعض لوم
.............الوجه شاحـب والنواظـر فضوحـه

لا قيل وش بك قال لازلـت محمـوم
.............يخشى من العـذال تـدري ببوحـه

مرت ثلاث سنيـن بالهـم محكـوم
............عوده ذوى والحزن حطـم طموحـه

يذكر حبيب راح في ظـرف محتـوم
.............ولا هوب داري وين نجـم يلوحـه

مسطاه في قلبه على الدوم موسـوم
.............ما ينمحـي مـادام تسقيـه روحـه

ماكان يدري الحب كالحـظ مقسـوم
.............احد ضحك لـه وآخـر زاد نوحـه

ويا داخلٍ بحر الهوى تجهـل العـوم
..............خلـه لغطـاسٍ اخـذ بالنصـوحـه

من لايقيس وعنده العمـق معلـوم
.............ما ينفعه بعد الغـرق قضـب لوحـه

لو كان من حبيت في الحب ملـزوم
.............اخبرك عاجل عـن دوافـع نزوحـه

في هالزمن خلك حـذر وانتبـه دوم
..............ماكل مـن حبـك صـدوقٍ ببوحـه

وتقبلو تحياتي

حززين الحرف