السلام عليكم ورحمة الله وبركاته
هذه مصافحى أولى وقصيدة من قصائدي القديمة
التي خرجت أنفعالية بسبب كلام سمعته ممن يقلل من شاعريتي متهمني بالسرقة
لن أطيل عليكم لكم القصيدة ولي الشرف بقرائتها
ما جيت أدور عن الألقاب والشهـرة=ما دمت شاعر بعيـن الزيـن يكفينـي
والشهرة اللي بهـا الشعّـار منبهـرة= صدقنيي إنها أمـر عـادي وروتينـي
بس إني حبيت أعلم وجه ابـن فهـرة= يقول منتب كفـو للشعـر وش فينـي
يا حـر قلبـه ويانـاره ويـاقهـره =لامـن قرالـي قصيـدة أو دواوينـي
يا هيه وقت التسامح إنقضـى دهـره=تبطي عظم ما تحـرك شعـرةٍ فينـي
ليه أستعير الشعر ونـا علـى نهـره= ليه أسرقـه دام هـو خاتـم بيدينـي
من كل بستان شعـرٍ قاطـفٍ زهـره=مسحوبٍ وسامري وهلالي وهجينـي
وما دمت أنا وأنت من دم ومن ظهره= وش فيك ؟ وشفيك ؟ دايم ما تدانينـي
ما همني غير سيـد الغيـد والطهـرة= لا قال عطني قصيدة قلت مـن عينـي
لا غاب عني أبد مـا تكمـل السهـرة=وكنـي معيـد إلا شفتـه بعيديـنـي
البدر مـا يكتمـل إلا نصـف شهـره = وإنتي كملتي بكل لحظة وكـل حينـي
روحك بروحي غدت يا شوق منصهرة=حتى غديتي من أعضائـي وتكوينـي
خيّال أنا وإنت يالمحبوب لـي مهـرة= ودي أعسفـك ولكـن وينك وويني
قلبي يحبـك نطقهـا بسـره وجهـره= اي والله إنك سكنتـي فـي شرايينـي
لرضاك أسوق العمر لو العمر مهـرة= والعمر وشهو ؟ العمر لو ما iiوصلتيني
وإن كان خفتي تغير نظرتي الشهـرة = لا بوه شعرٍ وشهرة عنـك تقصينـي
تحياتي لكم
اخوكم عبد الرحمن سعد الدوسري
حزين الحرف
lwhtpm h,gn "lh[dj H],v uk hgHgrhf ,hgaivm" lh[dj H],v uk hgHgrhf ,hgaivm lwhtpm h,gn
lwhtpm h,gn "lh[dj H],v uk hgHgrhf ,hgaivm" lh[dj H],v uk hgHgrhf ,hgaivm