وين حسّك؟
((19/7/1430هـ ))
وين حسّك؟
ما ابي ظلك .. وين شمسك؟
ليه ما تسأل عن احساس المعذّب
هويهمّك؟
ما يهمّك إنت تكذب!
.
بس انا
من يهزّ الشوق قلبي و احتريك
و لو تطوّل في الغياب
ينشغل بالي عليك
.
لا تظن إن الغياب
مو عذاب
أو يحوّل كل أشواقي سراب
.
مو صحيح
حتى لو هالغيبه تترك خافقي منـّك جريح
من عيوني ما تطيح
.
يدركون
الخفوق اللي بـ صدري و العيون
إن ما غيرك يمون
.
لا يهمّك
بس تعال و مالي و مال العتب
بـ احبس العبرة و أضمّك
.
بس تعال و بوس عيني
و قـول ياللي تحتـرينـي
وين شوقك؟
هو صحيح اللي تقول الناس عايش في عروقك؟
.
و إنت تلقى هالجوارح تحكي عن حبك حكاية
ولو تسطــّر للغلا ديوان ما ظني كفاية
.
كنت غير
في دلالك .. في جمالك
في وصالك كنت غير
.
و صرت غير
إيـــــه غير
في القطاعه
و بـ الهجر عندك قناعه
.
يعني ما همّك لقاي ؟
و أنـا أمنـيتي لقـاك
ليه تتـناسى عطـاي
و إتـّمادى في جفاك
يا قساك
وين وعدك بالوفا ولا نسيت؟
يوم نرسم بيدنا عالطين بيت
و إنت تحلم و أنا أحلم
كيف باكر .. بس تدري؟
صدق هالدنيا تعلــّم
.
روح .. روح
جرّب الدنيا بدوني
بس تأكــّد يا عيوني
إني أدعي بـ كل ليل
تلقى للفرحه سبيل
و تبقى مثل النخله شامخ ما تميل
.
و مهما راح من الزمان
و جيت محتاج الحنان
راح تلقى بـ وسط قلبي لك مكان
.
ما تغيّر
لا تــّحيّر
من رحلت و شفت قلبي بك
مسيّر مو مخيّر
.
كم قلبٍ حاول يهزّ اهتمامه ما قدر
إنت وحدك من قدرت
و أنا وحدي من صبرت
و إنجبرت!!
و جيتك اسأل .. وين حسك؟؟
,dk ,u]; fhg,th ,gh ksdj ??
,dk ,u]; fhg,th ,gh ksdj ??