هلا وغلا بنات
لو على المواقف يووووووووه كل يوم وليا موقف شكل
والموقف هذا كان أول تجربة لي كمعلمة..لكن أي معلمة..عجايز مره وحده ..أنا جربت من قبل أدرس أطفال...
لكن عجايز ماهقيتها في يوم أبداً....
والكليه كانت معطيتنا عشرة أيام إجازة..وإلى الآن ماندري وش سبب هالإجازة المفاجأة..أهم شيء ماصدقنا خبر بهالإجازة
وسافرت أول يوم في الإجازة..ورجعت يوم الاثنين..وفي صبيحة يوم الأربعاء المنحوس..جات بنت أختي الصغيرة...
تصحيني من النوم تبيني أرووح معها لدار التحفيظ..لأن أمي كانت تعبانه..وحاولت فيها تروح بنفسها مع الباص لكن رفضت
وقامت تصيح في البيت..وقالت خلااص ماني رايحة للدار..طبعاً ماألومها صغيرة عمرها خمس سنوات..وبعدين سلمت أمري
لله وقلت خل أرووح معها وبالمره أغيّر جو..ودار التحفيظ في الصبح يدرسون فيها العجايز والأميات والأطفال الصغار فقط
وأما في المساء..فللمتعلمات..((للمعلومية فقط ))المهم وصلنا للدار ودخلتها لحلقتها..وقعدت أناظر يمين ويسار...
يااربي وين أجلس..طول هالساعة ونص..وفجأة قطع تفكيري..صوت وحده من الإداريات كانت تناديني..وأختكم ماصدقت خبر
وعلى طوول جيتها وبعد ماسلمت عليها..ابتسمت لي ابتسامه ماكرة..وقالت:الله جابك..قلت:وشو انا جايه مع بنت أختي...
قالت:أدري..قلت::طيب لايكون عندكم شغل في الإدارة ترى أنا مستعدة..قالت:لا الإدارة الحمد لله مافيها شغل...
قلت:أجل وش فيه؟..قالت..فيه معلمتين وحده مريضة ووحده مسافرة..ولاعندنا احد يدرس هالعجايز المساكين...
قلت:وشو عجايز..لايكون تبيني أنا أدرسهم قالت:إيه..وش جابك..أجل للدار..تتمشين كذا وتروحين مافيه..تدرسين
العجايزالمساكين..واحتسبي فيهم الأجر..وبعد محاولات عديدة..وافقت..وقلت لها: وريني الحلقتين علشان أختار أي وحده
أدرس..ودتني للحلقة الأولى وناظرت مع الباب..إلا الحلقة كلها مليانه عجايز ..ولافيه حتى كرسي واحد فاضي..
مسكت قلبيياويلي ويلاه أنا وش جايبني..هنا..كله من هالصغيروونه..بأوريها في البيت ..قلت للإدارية:لا
هذي الحلقة بالمره ماتصلح لي..وديني الحلقة الثانية أشوفها..وودتني لها..وعاد هذي مايحتاج الباب كان مفتوح..وقفت
عنده وناظرت فيهم..والحمد لله كان فيه ثلاث كراسي فاضية..على الأقل أرحم من الحلقة ذيك المزدحمة بالعجايز..
قالت:هاه بتدرسينهم ؟...قلت: إيه..وأمري لله...
وقبل لا أدخل جلست أعدل شيلتي وأتزين علشان يشوفوني العجايز زينه يمكن لا سمح الله وحده تخطبني
لولدها..وإلا شيء. ههههههههههههههههه .المهم أول مادخلت إلا وأناظر ذيك العجوز اللي قدامي
وفي يدها عجراوقف قلبي وبغيت أنحاش..لكن قلت:أفا خل أتشجع..أنا ألحين صرت معلمة ماأحد قدّي ...
دقيت الباب ودخلت..وقلت بصوت عالي: السلام عليكم ورحمة الله وبركاته...
العجايز :وعليكم السلام ورحمة الله وبركاته...
سحبت الكرسي وجلست..وحطيت شنطتي على الطاولة...وفي الفترة اللي كنت أرتب نفسي والأغراض اللي على الطاولة...
دار هذا الحديث بين العجايز...
وحده منهم تقوول: هذي معلمة جديدة جايبينها لنا بدل معلمتنا...
قالت الثانية: إيه..شوفوها من شكلها صغيرة..وتوها طالبة ...
والثالثة قالت : لا إهي متزوجة((الله زوجتني وأنا ماأدري ))...
وحتى ماشفتوا بنتها قبل شوي كانت معها((لاوبعد عندي بنت ))
وودتها لحلقة البراعم((شافوا بنت أختي..وعلى بالهم إنها بنتي ))...
طوووولت عليكم صح...أجل..أترككم الآن في حفظ الله ورعايته...
لأني بعد مستعجله....وإن شاء الله راح أكمّل لكم باقي القصة..
والأحداث المثيرة اللي صارت في القريب العاجل بإذن الله...
ودمتم بود...