كان يا ما كـان فـي ذاك الزمـان الأولـي
طفلةٍ تلعب بقلبـي بيـن مبسمهـا ويدْهـا
إن تناعـس ثغْرهـا قلبـي بزفراتـه ملـي
وإن تجلّت يدّها ما كِن بـه شمـسٍ بعدهـا
طفلةٍ تمشي على الما مثـل ريـحٍ مُرسلـي
القلم في روس أصابعها وممحاتـه جعدهـا
كانت أعذب من زلال المـا بجـم المنهلـي
واجمل امن الورد لا طاح الندى واثنى عَوَدها
كنت اظن إن الشفق في ثغرها لـه منزلـي
كنت اظن الغيم في"حدّاد"و" السـوده" ولدهـا
كنت حتى اقصى الثمَاله في هواهـا ممتلـي
مستحلّه قلبي ابطوله على عرضـه وحدهـا
كان قلبي ما يطـاوع فـي غلاهـا العُذّلـي
كل شي يصدق بعيني غيـر شـيٍ ينتقدهـا
يوم .. قالوا لي العواذل : قلبها راح وسلـي
قلت ما يشعر بقيمة عينـه إلا مـن فقدهـا
عن هواها ما بتـوب إلا يتـوب البلبلـي ..
عن غناه .. بلحظةٍ فيها هوى قلبه وجدها !
في سـراب شفاتهـا تايـه مولّـع مبتلـي
أقرب اسفاري لَمَاها .. وابعد اسفاري بردها
كنت ابَسافر ثغرهـا يـوم شفتـه محتلـي
باحمر التوت العماني والمصفّى من قهدهـا
رحت ثمٍ جيـت مـا حصّلـت دربٍ منجلـي
واكتشفته دايره من حيث مـا تنهـي تعدهـا
كانت تقول اسمك امحمد .. واقل يمكن علي !
كان حتى اسمي يتوه إليا تخالط معْ شهدهـا
قلت سميني تري مـا ظـن سمونـي هلـي
اعتبر شوفتك ميلادي وبك روحـي سعدهـا
كنت..كانت..وأصبحت ذكرى على قلبٍ خلـي
م
ن
ق
و
ل
'tgmS jlad ugn hglhx flsp ugd
'tgmS jlad ugn hglhx flsp ugd