تدري وش اللي يتعب البنت ياخوي
رجـلٍ يخـون اشواقـهـاوالـمـودة
إللي إلا احتاج الغلا صار نمرود
وليـا شبـع ممـا عطاه إسترده
البنت ريحانة غلا ناعمـة عـود
تبي لها رجلٍ ورث طيـب جــده
رجلٍ فعولة كلها جود في جـود
مـا يلتفت للـي كفوفه تمده
رجلٍ إلا جته الليالي بمنـقود
يتكى لها ما بيح الوقت سـده
مهوب خبلٍ ما رعى للهوى عهود
وادناة ما عارض طريقه يرده
ولاهوب لاعلة ولاهوب ملهـود
ولا شكـوك وكلٍ طارئٍ يحـده
مااشين من الرجال لاجاك ببرود
وإن قال له ترف القدم شي صده
تبي لها براق طيبٍ له رعود
إن اجدبت يمطر على ريف خده
وإن نادته تكفى لقت عنده الفود
يشيل عزتها على قو زنـده
كفه نفل وانفاس صدره لها عـود
وظلاله الضافي بيـدها تمده
البنت خد وقـد ونواظرٍ سـود
وريحة غلاً ياسعد من شم نده
البنت إلا ضحكت ثمرها لك ورود
يا خوي من يقطـف نواوير وردة
واللي يهين البنت ناقص ومقـرود
فرس غـلا ماهـي حمـارة مكـدة
j]vd ,a hggd djuf hgfkj dho,d
j]vd ,a hggd djuf hgfkj dho,d