السلام عليكم ورحمة الله وبركاته
اقدم لكم هالقصيدة طبعا ماهي من تأليفي( لطشة) بس اعجبتني وان شاء الله تعجبكم..
يا عظيمه كل شيٍ لـه حـدود ولـه نهايـه
لكن انتي ماوقفتـي عنـد حـدّك ياعظيمـه
.
استلذّيـتـي بطعنـاتـي واخذتيهاهـوايـه
كن ما لك حربـةٍ توجـع وطعنـاتٍ أليمـه
.
آه ليتـك مـا تماديتـي بطعنـات البـدايـه
لين صار لكل طعنه فالحشـا معنـى وقيمـه
.
الله يبيحك ولكن كيف فـي أغـرب روايـه
تكتبين الحب كذبـه والهـوى دقّـه قديمـه
.
وانتي اللي كل ما لـدّت عيونـك فالمرايـه
ما لمحتي الا اليتيم اللي خـذت قلبـه يتيمـه
.
واليتيمه فاليتامـى مالهـا حـق الوصايـه
الوصيّه عودها الغـض ونوايـاها السليمـه
.
لكن انتي صار لك حق الوصايـه والولايـه
واستبدّيتي وشدّوا البدو واضحيتـي مقيمـه
.
ما رحلتي لين حطّمتـي بمـا فيـه الكفايـه
عاقلٍ حب الجنون وصوت نارك في مشيمـه
.
استبحتي حرمة المجنون بـادراك وعنايـه
والتفتّي له بعقلك وارتكزتـي فـي صميمـه
.
امتلكتي غايته لو كـان مالـه فيـك غايـه
وانتصرتي في عيونه واعترف لك بالهزيمـه
.
من كثر ما يعشقك ماخان لـك بالحـب رايـه
خايـف الأيـام لا تطلـع عواقبهـا وخيمـه
.
في طريقك كل ماكنّـه لمـس درب الهدايـه
تـاه ودروب الحيـاة المستقيمـه مستقيمـه
.
تايهٍ بصري ومـن جابـه لبيـت الله تايـه
عذر من غمّض بعين وعينه الأخرى كريمـه
.
فدوتك مافات من الأيّام واللـي عـاد جايـه
يا بعد عمرٍ مخاسيره معك عنـدي غنيمـه
.
أنتي الفارع بقـد وجـد واسمـاء وكنايـه
من عشق مثلك يجوز من الهوى وشداد ريمه
.
ليه لا وانتي بحسنك في ذوات الحسن آيـه
لا ذهب لا ماس لا ياقوت لا احجارٍ كريمـه
.
شاعرٍ له مع هل الرايـات فالمرقـاب رايـه
كل ماهبّـت هبوبـك فلّهـا قـدر وحشيمـه
.
سامحك من ألف باء الذنب الى مالا نهايـه
واستباحك عن خطـاه وكـل طـقٍه بتعليمـه
.
يوم قلتـي أعطنـي حرّيتـي أطلـق يدايـه
ما ذخر عن وجهك الا طعنتينٍ فـي صميمـه .
>>>>>>>>> ;g adS gJi pJ],] ,gJi kihdJi pJ],] aow ,gJi kihdJi
>>>>>>>>> ;g adS gJi pJ],] ,gJi kihdJi aow