~ْ~ْ~ْ~ْ لكل فتاة بهذا الكون والمنتدى الغالي أهدي كلماتي ~ْ~ْ~ْ~ْ


اسمعيني .. واسمعي مني .. عبارات صريحة

ما بها أيت غموض .. ولا بها سر دفين

أفهميني .. وافهمي مني .. دلالات النصيحة

والنصيحة لك ( هدية ) و لبنات المسلمين

حاولي لا تظهرين الزين .. حذري يا مليحة

لا تبدين العيون .. ولا تطل الوجنتين

صدقيني .. لين كشفتي شي .. لو انك قبيحة

كل فاسد طبع ..طامع .. قام ينصب لك كمين

المصيبة ... مجتمعنا .. فيه يا ( اخية ) شريحة

شرذمة ناس جهالا .. معتدين .. كاذبين

خبلهم .. .. يضحك على ( هيفاء ) وتضحك به ( مديحه )

أسمه الأصلي ( مساعد ) واسمه الرمزي ( حسين )

عطرك اللي في ثيابك لو يشمشم منه ريحة

قام يكشخ في دروبك .. كشخ .. حتى تنظرين

وأول الموضوع نظرة .. وأخر القصة فضيحة

والنذل ما هوب نادم .. وانتي اللي تندمين

الرجل مهما يطيح الناس تنسى له مطيحه

والبنية .. لأجل غلطة تدفع العمر الثمين

اكبحي جمح العواطف .. وانظري نظرة صحيحة

(( الشرف )) لا من تكسر .. ما اجبروه الجابرين

كم فتاة .. مصبحة بأحلامها .. وامست جريحة

أقبلت تملك شرفها .. وادبرت (( صفر اليدين ))



كل لحظة يعتلي في جوفها مليون صيحة

وطيف غاليها تحول كنه .. أبليس اللعين

اسمعيني .. وافهميني .. واحفظي لب الصيحة

(( احفظي دينك وعرضك .. واسعدي دنيا ودين )) !!


منقووووووووول