اقول وبصريح العباره
أغرس علـى صدر الهوى طعنة ايـديـك=وادفــن غــلاي ومـاضـي الـحـب خـلّــه
كنـت أمس غالـي لكـن الـيـوم ما ابـيـك=مــا أبيك لـــو إنّـــك دوى كـــل عـلّــه
مـا أبيك لــو روحــي تـنـازع وترجـيـك=مــادام فــي حـبـك خـضـوووع ومـذلّــه
أبتركك لـو صـوت الأشواق يدعـيـك=وامحـي الغـلا مـنداخــل القـلـب كـلّـه
واطوي زمـن حبـك وصفحـات ماضيـك=يووم الغـلا ياصـاح مـا أنتب هـل(ن) لـه
دور عـلــى غـيــري حـبـيــبٍ يـجـاريــك=يـقـبـل خــطــاك ويـحـتـمـل كــــل زلة
رمــيــت قـلـبــي بـالـعـنــا والتهاليك=وكـرّهـتـنــي بـالــحــب دقّـــــه وجــلّـــه
واسقيتـنـي هـمـك وانأ بــس أداريك=مـــالـلـوفــاء درب ٍ ضـمـيــرك يــدلّــه
بـكّـيـتـنــي والـــيـــوم والله لا بــكّــيـــك=دمـعـك عـلــى فـرقــاي تـبـطـي تـهـلّـه
خـذهـا نصيحة فــي حيـاتـك ووصـيــك=إلاّ حــبــيــبــك لا تــــحــــاول تــــذلّـــــه
قلـي وش اللـي بـس للـغـدر حـاديـك..؟=وسـيـف الخيانة لـيـه كـفّـك تـسـلـه.؟
حـسـبـي عـلـيـك الله عـنــي يـجـازيـك=مــالــك أمـــــان ولا عــهـــودٍ ومــلّـــه
قـصــة غـــرامٍ مـــات سـبّــة تجـنّـيـك=تِنْقَـشعـلـى صــدر السـحـاب المظلة
تـاهــت مـراكــب حـبـنـا فـــي مـوانـيـك=بـيــديــك مـاخـلـيــت شــــــي بـمـحــلــه,
وش لي بنبض القلب لو ضجّ يبكيك ..؟=وأنت أكبـر جــروح العـنـا والمذلة