[هذي القصيده جاتني وعجبتني وحبيت انقلها لكم
يابنت في شعرك للاحـزان تلميـح
وفي كل حـرفً تكتبينـه حزينـه
الحب نسمه والحزن عاصفة ريـح
وبالعاصفه تغرق احمول السفينـه
الحرمله ماتنبـت بمنبـت الشيـح
واصفر نحاسـه لايغـرك رنينـه
دمع البرائه في عيـون التماسيـح
ماتمنـع انيابـه تبـوح الضغينـه
ضحك الطفل في جو لعب المراجيح
مايمنـع الاقـدار تنهـي سنيـنـه
حبٍ يتيم لمرهف احساسه اشحيـح
طفلٍ على الحلوى مسكـر يدينـه
دمعة صغيرٍ واعتلت خـده تسيـح
شـال النعـوش مشيـعً والدينـه
فوضى مشاعر في سنينٍ مشافيـح
نضرة غريبً في زحـام المدينـه
يالمغرمه حزنك على بابك يصيـح
وافراح عمرك في المقابـر دفينـه
الكبت لو زادو على النفس ترويـح
زاده غموض وزود الوقـت بينـه
جرح الحزن زادته الاشعار تجريح
وحرف الشجن سدد للاحزان دينـه
بنت القصيد بشعرها الحزن تصريح
وبيت القصيد بحزن بنتـه رهينـه
|