{ الطفولة أحلى مافي هالحياة }

الطفوله
أحلى مافي هالحياه
مرحله من غير هم
كنـّا دايم نبتسم
كنـّا حتى لو بكينا .. وجارت الدنياعلينا
بعد لحظـات وثواني .. بسمه فينآ ترتســم
كنـّا نركض
خلف كوره ( لا لاأنا ماكنت معهم ) !
وحدي بس بعيدعنهم ... كنت أنا أضحك عليهم
جالس لحالي أهذري .. جالس أحسب كم ( كوبري )
صلـّحه( أحمد ) في ( محمد ) ؟؟
والله واجد !
وقبل ما يحل الظلام
للبيوت نروح نجري ( لا لا أنا ماكنت معهم ! )
أمشي وحدي بعيد عنهم ... أمشي وأعدد أثرهم !
وهم عني
يبعدون
يبعدون
يبعدون
إلا( محمد )
كان مثلي حيل ضايق
بس حزنـي كــان حارق
كان يسألني ببراءه :
ليش تعرج ؟ قلت مادري ! - باستياء -
ليش تبكي ؟ قلت مابكي - بكبرياء -
ضاق مني
ثم سألني في غباء
قال ( وثرايك تـثــابق ) ؟
وراح عنــّــي !!
كنت أسأل دوم نفسي
ليش ماأركض معاهم ؟؟
ليش دوم أمشي وراهم ؟؟
وش بلاي ؟؟ أو وش بلاهم؟؟
ليه أنا غيرالأنام ؟؟
زاحمتني الأسئله.
كل شيٍ أجهله
وإن تعبت من الإجـــابه

أحظن الحيـــره وأنام .
مرّت سنين وكبرت
صار همّي اليوم أكبر
حتى دمعي صار أكثر
للأسف توي قدرت
أفهم إني شخص ( عاجز )!
يعني بيني وبينكم مليون حاجـــز !!!
صدقوني ذي حقيقه ..
لا طلعت السوق .. كل ماأمشي دقيقه
القى كل شوي أبله ! يمشي ويناظرصديقه .
ويغمزله *_^
يقول : ناظر...!
وش يناظر ؟!
وتتفجّــر في خفوقي
ألف ضيقه
ووحده في وسط الزحام ....
طالعتني باهتمام .
بنت في عمر الزهور ... أي رشاقه ... وأي أناقه ...
وأي عطـــور
قلت في نفسي
ياهوووووووووووووووووه
هي تناظرني بغرام ؟ أو هي نظره والسلام؟
بس أكيد إنها تعرفني .. شايفتني ؟
شايفتني في جريده
واعجبتها لي قصيده
إيييييييييييييه أنا توي افتكرت.
لي قصيده .
كنت ناشر معها صوره
بس صوره ياسلااااام
وفاجأتني .
لمـّا صارت لي قريبه ... كانت تـتمـتم بطيبه
( يكسرالخاطــر حـــرااااام ) !
وتركت دمعه غريبه
وضاعت بوسط الزحــام
دمعه كانت تحكي وضعي .. زلزلتني
ارتطم قلبي بضلعي ... دمرتني
صدقوني .
أصعب اللحظــات وأقسى
لاغدا الرجـّــــال يكسر ... خاطر انثـــــى
كيف ينسى ؟؟؟
جاوبوني !
وزاد همّــي
يوم فكــّـرت بوظيفه ... ثم زواج
أي وظيفه ... وأي زواج ؟؟
اللــي مثـلي ...
مهما طالب ... لويلف ولو يدور
زين لو حطـــّــوه كــاتب
لاآآآآآآآ
وعلى بنــد الأجـــــــور ..
ماهورسمي !!!
صدقوني لو تدرّج ... وصار راتبه ايتصاعد
وابتــدا وضعه يزين
ما أظنه بيتزوّج .. حتى لو بعد التقاعد !
وفي النهــايه
يابلــدنا... مهما كانت ( تسميتـنا )
( عاجزين )( معوّقين )
لك عهدنا .. وذا قسمنا:
أقسم بالله العظيم ... منزل الذكرالحكيم
أن أصونــك يابلادي .. من شرور العابثين
من مطامع كل حاسد .. من نوايا كل فاســد
وإني لك حصنٍ حصين
إنتي ناديني وشوفي ..لا نويتي بالجهــاد
والله أقهر لك ظروفي .. دامك إنتي لي بــــلاد
وباسم كل العاجزين
دام فينا أصبع يطول الزنـــاد
لا يهمــّـك يابلادي .
الكـآتبــ : محمد عويضه اليامي
:
اللهـ يشـآفي ويعـآفي كــلــ مريــض

الموضوع الأصلي: { الطفولة أحلى مافي هالحياة } || الكاتب: نسيت أنساك || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الخواطر وروائع الكلمات Sakes and Poem

---

V hg't,gm Hpgn lhtd ihgpdhm C Hpgn hg't,gm

منتدى دمعـــة ولـــه - الخواطر وروائع الكلمات Sakes and Poem

---

V hg't,gm Hpgn lhtd ihgpdhm C