:: سمعنا ذوقك ::.

الصدر ضايق وانت .. ضيقت صدري !


وانا معك من غير وجهة .. وتحديد

ياكثر ماتجرحني.. ويزيد صبري
كنك تقول ازيد ؟ واقول لك : زيد ..

تقول ياعمري .. واقول : انت ( عمري )
كني ورآك اسمع وش تقول واعيد

تقبل احسآسي وحبي وشكري ..
حتى لو آني ماقطفت العناقيد

وسلم على قلبك ترى ( الحب عذري )
ودوبك على قلبي .. فدتك التناهيد

أما تشوف لوضعنا حل جذري ..
ولا بلآش نحب .. ونعيد .. ونزيد

أقول بنسى وأحسب اني نسيتـه
الحب الأول صعب نسيان راعيـه
عانيت في بعده كثر مـا هويتـه
لا احتلت في قربه ولا نيب ناسيه
لو اني أقدر جيتـه كـان جيتـه
اللي بقوله آآآآه ويلي على أجيـه
بس البلا أني كلما جيـت بيتـه
أخذ ثلاث أيام مدري (شنا) فيـه
ليل ونهار وليـل واللـي قفيتـه
وأنا مابين أسمه ورقمـه وطاريـه
الله عطاني مـن غـلاه وعطيتـه
وغيره بغى مني ولانيـب معطيـه
قالوا هويته قلـت أأيـه هويتـه
قالوا تركته قلـت مانـي مخليـه
دورت له بين الضلـوع ولقيتـه
خلف الضلوع يبين(ماطى)خطاويه
واليوم لا أحتجت اللقا ماأحتريته
حتى ثره من بين الأضلاع ما حيه
ياجعل يسقـى عادنـي لا بغيتـه
يغفى على ضلعين صدري وأصحيه
ما فيه شخص في حياتـي بكيتـه
الا الذي قد مات مانيب راجيـه
لكن هو حـي ومـع ذا رثيتـه
من قلبي اللي أحسـن الله تعازيـه
حملت قلبـي بالهمـوم ورجيتـه
كني ما عرف الا غيابـه وأحاتيـه
أقول بنسـى وأثرنـي مانسيتـه
الحب الأول صعب نسيان راعيـه
[]
{..مخرج
يآ أول الحب ..
شفتك أنآ مرة ..
وأهديت لك قلب ..
ورديت لي جمرة ..
ومن يومها كان الرحيل ..
وليل الشتاء القاسي الطويل ..
وآآه ..آه يالحنين ..

ودي اشوفك ولامس اياديك وحكيلك عن قلبي ماليه بغلاك

ودي تناديني ياحبيبي ولبيك ودي اجيلك وانت في منامك

واقولك ياحبيبي انا الي يبيك انا اللذي فضل جنتك وعشق نارك

ياحبيبي ودي احاكيك واقولك اني اموت بترابك

ودي ياحبيبي اوصيك على قلبي الي متابع اخبارك

ودي قبل لا اموت واخليك متمتع بدنياك مع اهلك واحبابك

على دفنتي اوصيك ودي تكون عند بابك

لاجل تمشي على تراب قبري برجليك واقوم انا واقبل اترابك

صدقني ماشفت انسان يجاريك لا بذوقك ولا احساسك ولا جمالك

ودي اسمعك تقول احبك ابيك ابي اكون بدنيتك فارس احلامك

بس دامك بدنيتي رفض اني اجيك اسمع هالكلام وخله بالك

ارجوك على دفنتي ماوصيك ارجوك خلها عند بابك

قبل الختام ودي اراضيك بس المشكله اجهل زعلك من مرضاتك

خليتني تايه الله يجازيك خليتني شاعر يكتب ويرسل اعمالك...

ياقلب...مامرك ...حبيبك. وكلم ..؟

....... أول بخل بالشوف وهلحين بالصوت ..

فرصتك ...ياقلب تعيش... وتعلم ..

.......إن الهوى والعشق... نزوة وبتموت ..

إجمع سنينك..للفراق ...وتولم ..

........وإضحك عليها...كل مافاتك الفوت ..

ياسيدي ...والليل غطى وظلم ..

.........وأنا صحيت وفي يدي سبعه كروت..

كتبتها ...لك يوم كنت. أتحلم ..

........في شوفتك والشوق مرمر وياقوت ..

عليك صبري ..بين الأضلاع علم ..

.....عليك شوقي ...داخل القلب مكبوت ..

وأنا الوحيد اللي ....بقربك تألم ..

......تعطيني السكين وأعطيك أنا التوت ..

أكلمك والعذر...غالي ..وسلم ..

........وإلا الصراحه جد.. مشتاقلك موت ..

أمانتك .....لاضقت ..مني تكلم ...

......وأنا أوعدك ماعاد أسَمِعَك.هالصوت

فمـان الله يـا لولـو بحـر ماجابـه الغـطـاس
فمان الله يـا أطهـر وأبيـض ( قلـب ) حبّيتـه
فمـان الله فـي دنيـاً سعيـده كلّهـا أونــاس
هـذاك الـدرب ينتظـرك وانـا دربـي تنصّيتـه
نهايـة دربنـا بـاب ٍ تكاثـر عنـده الـحـرّاس
نهايـة دربنـا لغـز ٍ رمعتـه لـكـن أخطيـتـه
نهاية طيب .. في صفحة وفا .. وخْتامها نوماس !
وأدوّن قصه تجمعنا بـكتـاب (الصـدق) سمّيتـه
صحيح أستأذنك صعبه !! ولكن يالغضـي لابـاس
خيالك داخل أعماقـي رسـخ مـن يـوم خطّيتـه
وانا يوم أجرع الفرقا ورضيت آعانق الهوجـاس
وخاويـت السهـر والنـوم هاجرتـه وجافيتـه :
عشانك يابعد عمري .. عشانك يابعـد هالنـاس !
عشانـك يابعـد حـي الشمـاااال ويابعـد ميتـه
فديتك زهرةٍ فاحت وفـا .. وإستنعـش النسنـاس
فديتك مهرةٍ شوفه شفا .. وش عـاد لـو جيتـه
فديت الجمرتين اللـي يحرسـن لمعـة الألمـاس
فديـت الوجنتيـن و لمعـة الديجـور مـع ليتـه
فديت الطول مع خصـر ٍ تمايـل ظامـر ٍ ميّـاس
فديت الزول لو بوْصف تعبت أوصف ولا أوفيتـه
فديـت الشامـه ورمـشٍ كحيـل وناظـرٍ نعّـاس
وشعـر ٍ ضاعـن يدينـي بظلامـه يـوم فلّيتـه
فديتـك كلـك وكلـي قصيـدٍ يرهـق القرطـاس
فديتـك كلـك وكلـي مشاعـر لكـن أزريـتـه
أجل وشلون أترجم لك مشاعر مالهـا مقيـاس ؟
وشاعـر جامـع ٍ هـم الليالـي فـي تناهيـتـه
وأنا ! لامن عشقت أعشق على وضح النقا نبراس
بْدوي ٍ لاسمع طاري الخيانـه ينتخـي بْـصيتـه
ياليتك طيف في بالي تلاشـى بحضـرة الجـلاس
وقلبك ماعـرف قلبـي يـا قلبـي آآآآآآه ياليتـه
زمن قاسي .. بشر أقسى .. قلوبٍ مابها إحسـاس
زمن حلّل قتـل طفلـه وطفـل ٍ لاهـي فْ بيتـه
زمن فيه الوفـا كلمـه تخـط بأبيـض الكـرّاس
زمـن لـو نـزّل دموعـي يسمعنـي زغاريتـه
حياتـي دامهـا شـادت بجوفـي مملكـه لليـاس
أبي تقـريْ نهايـة درب علـى شانـك تخطّيتـه
خلاص أستسمحك برحل كما حر ٍ كفـخ قرنـاس
نصيـت الـدار يـوم الـدار نادى لـي ولبيتـه
بقالك كلمتين ٍ تحتهـن خـط ومابيـن أقـواس:
( فمان الحب ) يا أطهر وأصدق قلـب حبّيتـه !!

ما مِـنْ جديـد .. بغيبتِكْ
كِلْ شَيْ , على ما هُو عليه

:
:

أجي مِسْرع إلى ذاك المطار , ويرتبك نصفي ..
ونصفي الثاني يتسائل عَن اللِّي صار و.. أخطائي

تروح شلون عَنْ عيني .. وتبدِّل قوِّتي بـ ضعفي !!
ولا بـه شـي يستاهل عشانـه .. تبدي إيذائي ..

( مسافر ) دُونْ ما أدري وحِزني داخِلي مخفي
أبيـك الحيـن مـو باكـر تِحلِّقْ فوق أجوائي

مطار القلب يتحرى رجوعِـك , غيبتِـك تكفي
أبكتب لِكْ ولا أقــدر على .. التعبير وإملائي

غيابك مـا رحَم حالـي وحرفي آآآه يا حرفي
تلعثمت , وعجزت آخذ في وقت البُعد إجرائي

أنا كلِّـي عَطَشْ ضامـي أعيش بغيبتِـك حتفي
لأنك ساعـة الضيقـه هواي , وبالعَطَش مائي

أحبك يا [ وَطَنْ ] غالـي عَليْ وحَضْرتِي " منفي " ..!
كفايـه لا تِشتِّتْنِي
تعـال ..
وجَمِّـعْ أشيائي !!

وَطَنْ شنهو وَِطَنْ .. إلاَّ عُيونِكْ في لُغة وصفي ..؟
غريبه شلونْ تتركْني .. وإنت بداخلْ ( أحشائي ) !

( ثلاثْ أيَّــامْ ) تهجرني ولا بيَّنتْ لِكْــ نزفي
ودُواي اللِّـي تِكاثرْتَـه عَلـيْ وصِرتْ لِي دائي

( ثلاثْ أيَّــامْ ) ما نامَت عيوني وما قِدَرتْ أغفي !!
لي اللـه كِلْ ما حُولي غريبْ وعَالَمِي .. نائي

( ثلاثْ أيَّــامْ )وأنوار المدينه يا الغلا تطفي
وتِعِمْ الظَّلمَه فـي قلب الشوارع وأفقِدْ أضوائي

تِصَدِّق حتَّـى بسماتـي .. أهَلِّـي فِيها وتِقفِّي !
تعـال ولَمْلِمْ جُروحـي ورَتِّبْ فُوضَة أجزائي

يجينـي الجَرَحْ مِنْ إيدكْ .. وأصْفِقْ كَفِّي بكفِّي
أعَزْ أحبابي يطعَنِّـي ويداوي الطَّعْنَه أعدائي !!

( ثلاثْ أيَّــامْ ) تِطْعَنِّي وأنا أشِيلِكْ على كتفي ..
كأنْهَا طَعنِتِكْ
" ضِيفٍ "
وقلبـي .....
حَاتِمْ الطائي !!

:

إرجع حبيبي لديرتِكْ
عمري بدونك ما أبيه