من الآخر تبينه أخطبيه .. دامه حلال ليش التعقيد !!

مساكم ورد وصباحكم عسل ..


اجتمعنا قبل كم يوم وبعد الترحيب والقهوه .. والسؤال عن الجديد والقديم

طلعت سالفه سببت بيننا نقاش حاد وضجه طوول وقت السهره وتواصل لبعد مارحنا لبيوتنا بالتلفون والماسن بعد نشره بين الاهل والاقارب طبعا ومناقشتهم والتهاوش معهم والرجوع للنقاش بأفكار جديده .

عادي جداً ان البنت تتمصلح مع العجوز الي عندها عيال تقهويها وشوفيني تراي سنعه

ولا تصادق اخته وتلمح لها وهي وحظها يااخذتها مزح ولا ضبطت معها وخطبتها .. دارج جداً

او اذا جا صديق اخوها قامت تطبخ وتنفخ وقهاوي وحلا .. ان كيدهن عظيم

الجديد فيه هنا المباشره المزعجه والتصريح الشخصي (ابي اتزوجك) !!

الموضوع عن بنت خطبت بنفسها واحد من جماعتهم وتزوجته !! ..
هذا العنوان ومجمل السالفه يقول :

البنت من اهل القرى وعايشه مع والديها واخوانها حياه عاديه جدا , عرفناها يوم كانت تدرس بالجامعه شفناها مره او مرتين بس ماناقصها شي ماقول ملكة جمال لكنها مملوحه ماشاءالله

من جماعتهم رجال معروف وكيل مدرسة القريه الي هم عايشين فيها وعنده خير له محلات وعنده شركه صغيره وهو بعمره مو كبير يعني 44 بالكثير وطبعا متزوج وعلى قدر من الوسامه

الرجال له مده يخطب يبي يتزوج بس مايزوجونه من باب ان زوجته مرّه طيبه وابوها رجال معروف ينحسب له حساب , البنت اخذت ايميله وضافته مدري كم انتظرت لين كلمته ولاكيف جابت الايميل المهم انها قالت له التالي : انا بنت عمري 24 سنه ومتعلمه ومن اسره معروفه وموافقه اني اتزوجك

اذا انت وافقت على المبدا ارسل لك صورتي واذا عجبتك اقولك انا بنت مين وتخطبني واذا لا انت رجال تعرف الله وينتهي الموضوع مكان مابدا ..

وافق الرجال وارسلت صورتها محتشمه ومن دون مكياج عجبته وخطبها وتزوجها ..

..هنا انتهت السالفه..
_ الي تخللها شهاق جماعي عند بعض التفاصيل _ [بين الي تستنكر وبين الي تكذّب وبين الي تتعوذ بالله وبين والي تقول ضبّطت نفسها والي تقول ياقوّ الحريم


(عذرالبنت انها ماتبي تتزوج وبس تبي رجّال )
النقاش اخذ مليون منحى وطبعا كل منحي له مؤيد ومعارض والمجمل كالتالي :

مسألة ان بنت تخطب شاب هذا مو شي جديد من خلقت الدنيا وهو موجود

_نقول السيده خديجه رضي الله عنها خطبت النبي عليه الصلاة والسلام يعني له وجود بالاسلام :

(قالت وحده ماقلنا حرام بس ذاك رسول الله !!) .. (ردت عليها المفروض اننا نقتدي فيهم طيب <- ابد ماجاتها بياله طايره )

( قالت ثانيه بوسيط مو بنفسها ) .. (ردت عليها هالوقت منين تجيبين وسيط تثقين فيه الناس مالها امان)



( قالت ثالثه والعصر مختلف يوم كان الرجال رجال) .. ( جاها الرد عشانهم قليل تعذرين بعض التصرفات)

وكالعاده الزعل لازم لأن وحده عصبت من تأييد الثانيه وقالت خلاص طسي اخطبي فلان دامك تقولين عادي <- شعب سعودي يسمع باختلاف الاراء


_ نقول المثل يقول اخطب لبنتك ولا تخطب لولدك :

(قالت وحده يقول اخطب ياوليّها مو اخطبي لنفسك ) .. (ردت عليها الحين الي بتتزوج هي ولا وليّها <- طبعا قمطت بالتفاته جماعيه )

( قالت الثانيه ببعض الاشياء ماينفع وسايط لازم من راس لراس) .. ( ردت عليها انه ممكن صح بس تلميح مو تصريح )


_ قلنا ماكبرتي ولا عنستي ولا فيك عيب ولاعندك مشاكل تهربين منها يوم تعرضين نفسك :

( قالت وحده هي ماعرضت نفسها هي دخلت بالحلال لاغراميات ولا شي يوطي راسها) .. ( ردت عليها يعني تقدر تفاتح اهلها عادي؟!! )

( قالت وحده العمر ماله علاقه الوحده تدور على الي تامنه على نفسها أو الي يستاهلها) .. ( تدعي او تتميلح او تلمح اي مصيبه بس ماتخطب لنفسها بنفسها <- واضح انها طنقرت)

( قالت الثانيه رغم كل تحفظاتي الا انها لو ماتعرفه رجّال ماتجرأت) .. ( ردت عليها لو صبرت جاها نصيبها ليش العجله)

( قالت الاخيره الحياه فرص والشاطر يغتنم وقته وهي لقت لها فرصه وماضيعتها)

لو بكمل ماخلصنا يكفي لين هنا الباقي من عندكم ..

البنات :

بلييز ولا وحده تقول رايها بالموضوع عن نفسها ..

* رايك بموضوع البنت ؟

*رايك بالموضوع بشكل عام ؟ ..

الشباب :

* رايك بموضوع البنت ؟!

* لو جاك خويك صايره معه هالسالفه وش تنصحه ؟

* لو صارت لك انت وش بتكون ردة فعلك ؟

الموضوع الأصلي: من الآخر تبينه أخطبيه .. دامه حلال ليش التعقيد !! || الكاتب: ___________ || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: المنتدى العام - Main Section

---

lk hgNov jfdki Ho'fdi >> ]hli pghg gda hgjurd] !! hgNov hgjurd] jfdki pghg

منتدى دمعـــة ولـــه - المنتدى العام - Main Section

---

lk hgNov jfdki Ho'fdi >> ]hli pghg gda hgjurd] !!