بعطــــيك عمــــري

طالبتك أن جـت لحظـه وافترقنـا
لاتخلـي وحـدتن تاخـذ مكانـي
ولاتخلي بيـت حبي اللـي بقلبـك
به تعيش انثى ولو بضعـة ثوانـي
ومعك أمانه يابعـد حيـي وميتـي
لاجلست بجنبهـا غمـض عشانـي
وأذكر اني قلت لك ياروح روحـي
أنت ملكي بس ماانـت لأحـد ثانـي
أنت قلـبن ماانخلـق إلا لقلبـي
وأنت روحن نبعها سال وسقانـي
وأنت لي وحدي ولا كثـري يحبـك
غير قلبن في دروبك لك سبانـي
وكـان وصلـك ياأميـري ماتهيـا
أوعدك ماانساك لو عمـري نسانـي
وكانهـا الايـام جـادت واجمعتنـا
والله اني لااشعـل سنينـك أمانـي
واحتفل بك كل لحظه وأنت جنبـي
وأعزف حروفـي لخفاقـك أغانـي
وأنثر ورود الولـه واسقيـك لهفـة
خافقن لاغبت لحظه جاك عانـي
وأجمـع سنينـي وأبعثرهـا بكفـك
وأسرقك كلك هنـا بيـن المحانـي
وأفتدي روحك بروحـي يااابعدهـااا
وأنزع همومـك وأطوقـك بحنانـي
ماأبـي بـرد الهمـوم بيـوم يلفـح
خاطرك وإلا تجـي لحظـه تعانـي
هاااات همك في وسط جوفي وصبه
وكان به غيره تعال وصـب ثانـي
وأعطني قربك وانا بعطيك عمـري
وأهدني لحظه وخـذ كلـه زمانـي
ياأمنيـة عمـري أذا قالـوا تمنـي
ويااصدق أنسانن بقلبه أحتوانـي
وياملاذي لا بكيت وضاق صـدري
وياوطن عمري إذا عمري جفانـي
ياحنـون القلـب ياتاجـي وعـزي
بك نسيت الناس والغيـت المواني

الموضوع الأصلي: بعطــــيك عمــــري || الكاتب: هتيف || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

fu'JJJJd; ulJJJJvd

منتدى دمعـــة ولـــه - الشعر وعذب الكلام- Poetry Section

---

fu'JJJJd; ulJJJJvd